واٹس ایپ سروس کئی گھنٹوں تک معطل

0 39

سلیکان ویلی:

گزشتہ رات دنیا بھر میں واٹس ایپ کی سروس کئی گھنٹوں تک معطل رہی جسے کچھ دیر پہلے بحال کردیا گیا ہے لیکن ماہرین اب تک یہ نہیں جان سکے ہیں کہ آخر یہ سروس معطل کیوں ہوئی تھی۔

واٹس ایپ ترجمان نے سروس کی معطلی پر دنیا بھر میں اپنے صارفین سے معذرت کرتے ہوئے کہا ہے کہ یہ ایک وقتی خلل تھا جسے دور کردیا گیا ہے لیکن یہ نہیں بتایا کہ اس کی وجہ کیا تھی۔

واضح رہے کہ 2014 میں واٹس ایپ کو فیس بُک نے خرید لیا تھا جبکہ اس وقت دنیا بھر میں اس کے صارفین کی تعداد ایک ارب 20 کروڑ پر پہنچ چکی ہے۔ واٹس ایپ کی تاریخ میں یہ پہلا موقعہ ہے جب پوری دنیا میں یہ سروس کئی گھنٹوں تک معطل رہی ہے۔ واٹس ایپ ترجمان کی جانب سے اس کی وجہ کے متعلق کچھ نہ کہنا بھی معاملے کو مزید پراسرار بنارہا ہے اور کوئی نہیں جانتا کہ یہ ہیکرز کے حملے کی وجہ سے ہوا تھا یا پھر واقعتاً واٹس ایپ کے عالمی نیٹ ورک میں کوئی تکنیکی خرابی رونما ہوئی تھی۔

خبر رساں ایجنسیوں کا کہنا ہے کہ اس وقت بھی ہندوستان، کینیڈا، امریکا اور برازیل کے کچھ علاقوں میں واٹس ایپ کی سروس ابھی تک معطل ہے۔

شاید آپ یہ بھی پسند کریں مصنف سے زیادہ

Comments

Loading...